ផ្លាស់ប្ដូរ​ទម្រង់​ Blogspot របស់​អ្នក​ជាមួយ​ Template ស្អាតៗ

បច្ចុប្បន្ន​នេះ​ការ​បង្កើត​ប្លុក​ពិត​ជា​មាន​ការ​កើន​ឡើង​គួរ​ឱ្យ​កត់​សម្គាល់​នៅ​ប្រទេស​កម្ពុជា ។ ហើយ​យើង​សង្កេត​ឃើញ​ថា​ទម្រង់​នៃ​ប្លុក​ទាំង​នោះ​មាន​ភាព​ប្រហាក់​ប្រហែល​គ្នា​ជា​ច្រើន ដូច​នេះ​ហើយ​ទើប KH4IT យើង​នឹង​បង្ហាញ​អំពី​វិធីសាស្ត្រ​មួយ​ ដើម្បី​អាច​ទាញ​យក​ Template ស្អាតៗ​សម្រាប់​ដាក់​លើ Blogspot របស់​អ្នក​ដើម្បី​ឱ្យ​មាន​ភាព​ទាក់​ទាញ​។ ដូច​នេះ​មិត្ត​អ្នក​អាន​អាច​អនុវត្ត​ជាមួយ​យើង​ដូច​ខាង​ក្រោម៖

I. ដំណាក់​កាល​បង្កើត​ប្លុក

១.​ដំបូង​លោក​អ្នក​ត្រូវ​បង្កើត​ប្លុក​មួយ​ជាមួយ​គណនី​ Google ដោយ​ចូល​ទៅ​ក្នុង​គេហទំព័រ​ http://www.blogger.comរួច​វាយ​បញ្ចូល​ឈ្មោះ​ចំណង​ជើង ឈ្មោះ​ប្លុក និង​ជ្រើសរើស​យក​ Template គំរូ​ណា​មួយ ហើយ​ចុច​លើ Create Blog! ដើម្បី​ចាប់​ផ្ដើម​បង្កើត។

២. ក្រោយ​ពី​បាន​បង្កើត​ហើយ​ លោក​អ្នក​អាច​ចាប់​ផ្ដើម​ផូស​អត្ថបទ​មួយ​ចំនួន​ជា​មុន​សិន។

នៅ​ពេល​ដែល​អ្នក​បាន​បញ្ចូល​ទិន្នន័យ​សម្រាប់​ប្លុក​រួច អ្វី​ដែល​អ្នក​ត្រូវ​អនុវត្ត​បន្ត​គឺ​ការ​ផ្លាស់ប្ដូរ​ទម្រង់​ Template ដូច​នេះ​សូម​អាន​គន្លឹះ​ខាង​ក្រោម។

2. ដំណាក់​កាល​ផ្លាស់ប្ដូរ Template

១. លោក​អ្នក​អាច​ជ្រើសរើស​ទម្រង់​ Template  ស្អាតៗ និង​ទាញ​យក​ដោយ​ឥត​គិត​ថ្លៃ​បាន​យ៉ាង​ងាយ​ស្រួល​ចេញ​ពី​គេហទំព័រ www.mastemplate.com ។

២. អ្នក​អាច​ជ្រើសរើស​ Template ណា​មួយ​ដែល​អ្នក​ពេញ​ចិត្ត​រួច​ចុច​លើ​ឈ្មោះ​របស់​ Template នោះ​ បន្ទាប់​មក​វា​នឹង​បង្ហាញ​ផ្ទាំង​មួយ​ចេញ​មក​ដូច​ខាង​ក្រោម៖

៣. ក្រោយ​មក​លោក​អ្នក​អាច​ចុច​លើ Live Demo ដើម្បី​សាកល្បង​មើល​ទម្រង់​នៃ​ Template នេះ​ ឬ​អាច​ចុច​លើ Download Themes ដើម្បី​ចាប់​ផ្ដើម​ទាញ​យក​វា​តែ​ម្ដង។

៤. ក្រោយ​ពី​អ្នក​បាន​ទាញ​យក Theme នេះ​រួច​ លោក​អ្នក​ត្រូវ​ Extract RAR រួច​បើក​ទៅ​លើ​ទិន្នន័យ​នោះ។ ហើយ​អ្នក​នឹង​ឃើញ​កូដ​ជា​ច្រើន។ សូម​ចុច​ Ctrl + A ដើម្បី​Select យក​ទាំងអស់​ រួច​ចុច​ Ctrl + C ដោយ​ចម្លង​កូដ​នេះ។

៥. បន្ទាប់​មក​ ត្រូវ​ចូល​ទៅ​ប្លុក​របស់​អ្នក ដោយ​ចូល​ក្នុង Template => Edit HTML រួច​ត្រូវ​លុប​កូដ​ក្នុង​នោះ​ចេញ​ដោយ​ជំនួស​កូដ​ថ្មី​ដែល​អ្នក​បាន​ចម្លង​អំបាញ់មិញ​នេះ​ចូល​ រួច​ចុច​លើ Save Templateដើម្បី​រក្សា​ទុក។

៦. វា​នឹង​លោត​ចេញ​ផ្ទាំង​បម្រាម​មួយ​ដើម្បី​សួរ​អ្នក ថា​តើ​អ្នក​ចង់​រក្សា​ទុក Widget ឱ្យ​នៅ​ដដែល​ឬ​ចង់​លុប​ចេញ​តែ​ម្ដង? សូម​សម្រេច​ចិត្ត​នៅ​ក្នុង​ការ​ជ្រើសរើស​ដោយ​ចុច​ Keep Widgets ឬ Delete Widgets ។

៧. អ្នក​អាច​ចុច​បិទ​ផ្ទាំង Edit HTML នេះ​ រួច​ចុច​លើ View Blog ដើម្បី​មើល​ពី​ទម្រង់ Template ថ្មី សម្រាប់​ប្លុក​របស់​អ្នក​។ នោះ​អ្នក​ប្រាកដ​ជា​មាន​អារម្មណ៍​ប្លែក​ពេល​បាន​ឃើញ​ទម្រង់​នៃ​ប្លុក​ថ្មី​។

៨. ប្រសិន​បើ​លោក​អ្នក​ចង់​ផ្លាស់ប្ដូរ​ Template ថ្មី​សម្រាប់​ប្លុក​នេះ​ លោក​អ្នក​អាច​ធ្វើ​បាន​ជាមួយ​របៀប​ដែល​យើង​បាន​បង្ហាញ​ដូច​ខាង​លើ​។

នៅ​ទី​បញ្ចប់​ លោក​អ្នក​ប្រាកដ​ជា​អាច​ផ្លាស់ប្ដូរ​ទម្រង់(Template) ​ Blogspot របស់​អ្នក​បាន​យ៉ាង​ងាយ​ជាមួយ​គន្លឹះ​ដ៏​ល្អ​មួយ​នេះ។ ​