ក្មេងប្រុសស្រីពីរនាក់បងប្អូន ស្លាប់ក្នុងភ្លើងបណ្តាលមកពីឪពុក របូតប៊ីដុងសំាងឆេះផ្ទះ

ព្រហស្បតិ៍ ១០ តុលា, ២០១៣ ម៉ោង ១៤:៤០

រតនគិរី៖ ក្មេងប្រុសម្នាក់អាយុ ៧ឆ្នាំ និង ក្មេងស្រីអាយុ១០ឆ្នាំ ជាជនជាតិចារ៉ាយ បានស្លាប់ក្នុងភ្លើងឆេះ ខ្លោចសល់តែគ្រោងឆ្អឹង បណ្តាលមកពីអគ្គិភ័យឆេះផ្ទះ ។

ហេតុការណ៏នេះបានកើតឡើង កាលពីម៉ោងជាង ១២រំលងអធ្រាត្រ ឈានចូលថ្ងៃទី១០ តុលា ២០១៣ នៅចំណុចភូមិប៉ាដល់ ឃុំសេសាន ស្រុកអូរយ៉ាដាវ ។ បើតាមអ្នកឆ្លើយឆ្លង ព័ត៌មានកោះសន្តិភាព បានបញ្ជាក់ឲ្យដឹងថា មូលហេតុដែលឆេះផ្ទះនេះ មកពីឪពុករបូតប៊ីដុងសំាងពីដៃ ធ្លាក់លើក្តា និងខ្ទាតគម្របបណ្តាលឲ្យសំាង ហៀរចូលចង្រ្កានបាយ ដែលនៅក្បែរនោះឆាបឆេះឡើង និងបណ្តាលឲ្យក្មេងទំាងពីរនាក់បងប្អូន មិនទាន់ស្គាល់ឈ្មោះ ទំនងជារត់មិនរួច ខណៈកំពុងលង់លក់ក្នុងដំណេក ឆេះស្លាប់ក្នុងអណ្តាតភ្លើងតែម្តង។ ចំណែកឪពុករត់រួចតែរបួសធ្ងន់ ៕

បុរសម្នាក់ មានសមត្ថភាពអស្ចារ្យ អាចប្រែក្លាយធូលីដីលើរថយន្ត ចេញជាសិល្បះយ៉ាងស្រស់ស្អាត! (មានវីដេអូ)

ព្រហស្បតិ៍ ១០ តុលា, ២០១៣ ម៉ោង ១៤:១៧

នៅក្នុងប្រទេស Azerbaijan មានបុរស អ្នកយាមចំណតរថយន្តម្នាក់ ឈ្មោះ Rafael Veyisov គាត់មានសមត្ថភាព យ៉ាងប៉ិនប្រសប់ ដោយអាចយកធូលីដី ដែលប្រឡាក់ជាប់នៅនឹងរថយន្ត មកបង្កើតចេញជាស្នាដៃ សិល្បះគំនូរ ដែលអាចអោយឃើញ ទិដ្ឋភាពទីក្រុង យ៉ាងស្រស់ស្អាតមួយបាន។

គាត់បានរកឃើញនូវទេពកោសល្យ និង ការស្រលាញ់ចូលចិត្ត របស់ខ្លួននេះ ចាប់ផ្តើមមកពីការ យកដៃគូរលេងនៅធូលីដី ជាប់នឹងរថយន្ត នៅកន្លែងធ្វើការរបស់ខ្លួន ដែលរូបគាត់ មានការងារ ជាអ្នកប្រចាំការនៅចំណតរថយន្ត ហើយគាត់បានហ្វឹកហាត់អនុវត្ត ជាប់រហូតមក អស់រយៈពេល ជាង ១០ឆ្នាំ មកហើយ រហូតអាច មានសមត្ថភាព គូរបានយ៉ាងស្រស់ស្អាត បែបនេះ។ គាត់មិនមានប្រើប្រាស់អ្វី ក្រៅតែពី ម្រាមដៃនោះទេ ដោយគាត់បានអភិវឌ្ឍន៍ បច្ចេកទេស និង ភាពស្រមើលស្រមៃ របស់ខ្លួន បានកាន់តែអស្ចារ្យ ពីមួយថ្ងៃទៅមួយថ្ងៃ រហូត ទទួលបាន ការចាប់អារម្មណ៍។ ក្នុងនោះផងដែរ ដោយមើលឃើញនូវស្នាដៃ ដ៏ពិសេសបែបនេះ ម្ចាស់រថយន្តមួយចំនួន តែងតែចូលចិត្ត ធ្វើឲ្យរថយន្តរបស់ខ្លួន ជាប់នូវធូលីដី ដើម្បីយកមកទុក ឲ្យលោក Rafael មើលថែ និង អាចគូរលេងលើនោះ ដូចនេះ ពួកគេអាចថតយករូបភាព នៃស្នាដៃដ៏ស្រស់ស្អាត របស់គាត់បាន៕

តើប្រិយមិត្តយល់យ៉ាងណាដែរ?