ចាប់ជនសង្ស័យឆបោកលុយ ពីពលករខ្មែរ មកពីធ្វើការនៅថៃ

បន្ទាយមានជ័យ: កងរាជអាវុធហត្ថ​ក្រុង​ប៉ោយប៉ែត បាន​ឃាត់ខ្លួន​ជនសង្ស័យ​ម្នាក់ ពាក់ព័ន្ធ​ករណី​ឆបោក​លុយ​ពី​ពលករ​ខ្មែរ ឆ្លងដែន​ខុសច្បាប់​ចំនួន ២០.០០០ បាត​។ 
​ការឃាត់ខ្លួន​ធ្វើឡើង​កាលពី​ម៉ោង​៤​ល្ងាច​ថ្ងៃទី​១៥ កញ្ញា ហើយ​នៅ​ល្ងាច​ថ្ងៃទី​១៦ កញ្ញា នេះ បាន​បញ្ជូន​ជននេះ​ដល់​អាវុធហត្ថ​ខេត្ត​។​
​  

 ​
​លោក​វរសេនីយ៍ ហម ម៉ុ​ត មេបញ្ជាការ​អាវុធហត្ថ​ក្រុង​ប៉ោយប៉ែត អោយដឹង​ថ្ងៃទី​១៦ សីហា ថា​: ជនសង្ស័យ​មានឈ្មោះ ឆន ថន ភេទ​ប្រុស អាយុ​២១​ឆ្នាំ លំនៅ​ភូមិ​ច័ន្ទ​គី​រី សង្កាត់​/​ក្រុង​ប៉ោយប៉ែត​។ ឯ ជនរងគ្រោះ​មានឈ្មោះ ពៅ ហំ ភេទ​ប្រុស អាយុ​២៨​ឆ្នាំ ជា​ប្ដី និង​ប្រពន្ធ ឈ្មោះ ឡេ​ម សម្បត្តិ អាយុ​២៥​ឆ្នាំ ជា​ពលករ​ឆ្លងដែន​ខុសច្បាប់ ទៅរក​ស៊ី​ធ្វើការ​ស៊ីឈ្នួល​នៅ​ថៃ លំនៅ​ភូមិ​សិរី​សាមគ្គី ឃុំ​ស្រឡៅ ស្រុក​បារាយណ៍ ខេត្តកំពង់ធំ​។​
​    ​
​ជនរងគ្រោះ​អោយដឹងថា​: រឿង​ដែល​ជនសង្ស័យ​ឆបោក​នោះ កើត​ពី​ម៉ោង​៦​ល្ងាច​ថ្ងៃទី​៩ កញ្ញា ២០១៣ នៅ​មាត់​អូរ​ព្រំដែន​កម្ពុជា​-​ថៃ ខាងជើង​ក្រុង​ប៉ោយប៉ែត ជា​តំបន់​ព្រំដែន​គ្រប់គ្រង​ដោយ​នគរបាល​ការពារ​ព្រំដែន​៩១១​។ ពេល​ពួកខ្លួន​មកពី​ធ្វើការ​នៅ​បាងកក បានអោយ​ជនសង្ស័យ​ជូន​ដើរ​ផ្លូវ​កាត់ (​ច្រករបៀង​) ហើយ​វា​បាន​យកលុយ​អស់ ២១.០០០ បាត និង​ប្រាក់​ខ្មែរ ៣៧០.០០០ រៀល​ទៀត ហើយ​បាន​គេចខ្លួនបាត់​។ នៅ​ល្ងាច​នោះ ជនរងគ្រោះ​បាន​ប្ដឹង​មក​អាវុធហត្ថ​ក្រុង​។ ឆ្លង​ការស្រាវជ្រាវ​ជាច្រើន​ថ្ងៃ​មក ទើប​កម្លាំង​អាវុធហត្ថ​ក្រុង​ឈានដល់​ឃាត់ខ្លួន​ជនសង្ស័យ​នេះ​។​
​    ​
​ជនសង្ស័យ​ទទួលស្គាល់ថា ពិតជា​បាន​ប្រព្រឹត្ត​បទល្មើស​មែន ដោយ​ថា​គេ​ឃើញ​ជនរងគ្រោះ​ល្ងង់ និង​ជឿ​ខ្លួន ទើប​រក​វិធី​បោក​យកលុយ​ដុំ​យ៉ាងនោះ​៕

 - See more at: http://www.cen.com.kh/localnews/details_more/22?token=MDU2MDEzND#sthash.RzValxcu.dpuf