ភាពយន្ត​ដែល​រកចំណូល​បាន​ជាង ៧៥លាន​ដុល្លារ រឿង« 2Guns» ចាក់​បញ្ចាំង​នៅ​កម្ពុជា ថ្ងៃទី១៩ កញ្ញា

Thursday, 12 September 2013 15:25 ដោយៈLooking TODAY Posted ID: 098 ភ្នំពេញ៖ នៅមួយរយៈពេលនៃរដូវក្តៅ នៅអាមេរិកមានភាពយន្ត Hollywood កំពូលៗជាច្រើនបាន និងកំពុងចាក់បញ្ចាំង បំរើដល់អារម្មណ៏ របស់ទូរទស្សនិកជន។ ក្នុងចំណោមរឿងដែល ប្រមូលប្រាក់បាន រាប់លានដុល្លារនោះ 2 Guns ជារឿងដែលស្ថិតនៅ ក្នុងលំដាប់កំពូលដែល បានឆក់ប្រាក់ចំណូល សរុបទូទាំងពិភពលោកចំនួន ៧៥លានដុល្លារអាមេរិក និងកំពុងបន្តចាក់បញ្ចាំង គ្រប់បណ្តាប្រទេសនានាផងដែរ។ រឿង 2 Guns ជាខ្សែភាពយន្ត ប្រភេទបាញ់ប្រហារ តែបង្កប់ដោយ ឈុតឆាកកំប្លែង ចំអកឡកលើយរវាងតួសំដែង។ បរិយាយអំពីមិត្តពីរនាក់ ដែលហ៊ានបបួលគ្នា ទៅប្លន់ធនាគារ ហើយយកលុយបាន រហូតដល់ទៅជិត ៤០លានដុល្លារ។ តាមការពិតពួកគេសុទ្ធ តែចង់យកលុយទុក ជាកម្មសិទ្ធិរៀងៗខ្លួនរហូត ត្រូវក្បត់គ្នាដើម្បីយក លុយទុករបស់ខ្លួន។ អ្វីដែលសំខាន់ជាងនេះ ទៅទៀតម្ចាស់លុយដែល ពួកគេប្លន់នោះគឺជា លុយរបស់ពួកឧក្រិដ្ឋជន ដែលរកបានដោយ ការលក់ថ្នាំញៀនខុសច្បាប់។ ដូចនេះពួកគេមិនទុក អោយអ្នកដែល ប្លន់លុយរបស់ខ្លួន យកទៅបាន ដោយស្រួលៗនោះទេ។ ចង់ដឹងថាតើការក្បត់ មិត្តភាពរបស់តួអង្គទាំងពី រនិងផ្តល់លទ្ធផល អោយពួកគេរបៀបណា ហើយតើពួកគេអាចគេចខ្លួន ផុតពីការតាមសំលាប់ របស់ម្ចាស់លុយបានឬអត់ មានតែទស្សនា 2 Guns ទេទើបអាចបកស្រាយបាន។ ចូលរួមសំដែងដោយ Denzel Washington និង Mark Wahlberg។ 2 Guns ទទួលបានពិន្ទុបោះឆ្នោតពី IMDB ចំនួន 7.1/10 និងជាប្រភេទ Rated R ដែលមិនអនុញ្ញាត អោយទស្សនិកជនក្រោម 18ឆ្នាំទស្សនាទេ។ 2 Guns និងចាប់បព្ចាំងនៅក្នុង ប្រទេសកម្ពុជាពីថ្ងៃទី ១៩ ខែកញ្ញា ឆ្នាំនេះតទៅ។ លោកអ្នកអាចទៅ ទិញសំបុត្រចូលទស្សនា បាននៅរោងភាពយន្ត លំដាប់អន្តរជាតិចំនួនពីរ គឺ Legend Cinema ដែលមានទីតាំងនៅផ្សារទំនើប City Mall ជាន់ទី3 095 300 400 និង Platinum Cineplex ដែលមានទីតាំង នៅផ្សារទំនើប សូរិយា ជាន់ទី5 086 666 210៕