កូរ៉េ​ទាំង​២​យល់ព្រម​បើក​តំបន់ឧស្សាហកម្ម​គែ​សុង​នៅ​សប្តាហ៍​ក្រោយ​

កូរ៉េ​ខាងជើង​និង​ខាងត្បូង​កាលពី​ថ្ងៃ​ពុធ​បាន​ព្រមព្រៀង​គ្នា​ថា​នឹង​បើក​តំបន់ឧស្សាហកម្ម​រួមគ្នា​ឡើង​វិញ​នៅ​សប្តាហ៍​ក្រោយ នៅ​៥​ខែ​​ខែ​បន្ទាប់​ពី​វា​ត្រូវ​បាន​បិទ​ក្នុងអំឡុងពេល​ភាព​តានតឹង​យោធា​បាន​កើនឡើង​ដល់​កំរិត​កំពូល​។​
ក្រោយ​ការចរចា​ជា​បន្តបន្ទាប់ ភាគី​ទាំងពីរ​បាន​កំណត់​ថ្ងៃ​១៦​កញ្ញា​សំរាប់​ការចាប់ផ្តើម​តំបន់​រោងចក្រ​ចំរុះ​នេះ​ឡើងវិញ​។​
ក្រសួង​បង្រួបបង្រួម​របស់​កូរ៉េខាងត្បូង​បាន​និយាយថា បណ្តា​ក្រុមហ៊ុន​របស់​កូរ៉េខាងត្បូង​នៅ​គែ​សុង នៅ​ចម្ងាយ​១០​គីឡូម៉ែត្រ​ខាង​​ព្រំដែន​កូរ៉េខាងជើង នឹង​ត្រូវ​អនុញ្ញាត​អោត​បន្ត​ដំណើរការ​អាជីវ​កម្ម​ឡើងវិញ​បន្ទាប់​ពី​ដំណើរការ​សាកល្បង​កាលពី​ថ្ងៃ​ចន្ទ​។​

​កិច្ចព្រមព្រៀង​នេះ​បាន​កើតឡើង​ក្រោយ​ពី​ការជួបជុំ​ពិភាក្សា​ជុំ​ទី​២​រវាង​កូរ៉េ​ទាំង​២​កាលពី​ថ្ងៃ​អង្គារ​។​

​ជា​ផ្នែក​នៃ​កិច្ចព្រមព្រៀង កូរ៉េ​ខាងជើង​បាន​យល់ព្រម​តាម​ការទាមទារ​របស់​កូរ៉េខាងត្បូង​អោយ​អ្នកវិនិយោគទុន​បរទេស​ចូល​រកស៊ី​​ក្នុង​តំបន់​គែ​សុង​ ​ជា​ចំណាត់ការ​មួយ​ដែល​ត្រូវបាន​មើលឃើញថា​សំរាប់​ជា​ការធានា​មួយ​ដើម្បី​កុំ​អោយ​កូរ៉េ​ខាងជើង​បិទ​វា​ជា​ថ្មី​នៅពេល​អនាគត​៕​

ផ្ញើសារ | បោះពុម្ភ