ស្មាតហ្វូនល្អបំផុត LG G2 ត្រៀមបង្ហាញខ្លួន នៅជុំវិញ ពិភពលោក

កូរ៉េ៖ ក្រុមហ៊ុន LG Electronics នឹងរៀបចំកម្មវិធី សម្ពោធទូរស័ព្ទស្មាតហ្វូន LG G2 ដែលជាទូរស័ព្ទ ស្មាតហ្វូន ដ៏ល្អបំផុត នៅក្នុងប្រទេសធំៗ ចំនួនពីរដែលជា ទីផ្សារសំខាន់ គឺសហរដ្ឋអាម៉េរិក និងប្រទេសអាឡឺម៉ង់ នៅក្នុងខែ កញ្ញានេះហើយ។

លោក Dr. Jong-seok Park ដែលជាប្រធានប្រតិបត្តិ និងអគ្គនាយករបស់ LG Mobile នៃក្រុមហ៊ុន LG បាននិយាយ ឲ្យដឹងថា LG G2 ទទួលបានការគាំទ្រខ្លំាងពី ទីផ្សារបន្ទាប់ពីការដាក់បង្ហាញ ជាលើកដំបូងនៅក្នុងប្រទេសកូរ៉េ គឺ បង្ហាញ ឲយើងឃើញថា ការច្នៃប្រឌិតថ្មីដើម្បី សេចក្តីត្រូវការរបស់អ្នក ប្រើប្រាស់ របស់ LG G2 គឺទទួលបានការ ចាប់ អារម្មណ៍យ៉ាងខ្លាំង ពីអតិថិជន។

លោកបានបន្តទៀតថា ទូរស័ព្ទស្មាតហ្វូន LG G2 ត្រូវបានបង្កើត និងអភិវឌ្ឍន៍ឡើង ជាទូរស័ព្ទដៃបែបសកល សំរាប់អ្នប្រើប្រាស់ទាំងអស់ គ្នានៅជុំវិញពិភពលោក ហើយវាលើសពីវិសាលភាព នៃទូរស័ព្ទស្មាតហ្វូនដ៏ទៃទៀត ដែលយើងបានផលិត និងដាក់លក់មក ដល់ពេលនេះ។ លោកមានភាពជឿជាក់ យ៉ាងមុតមាំថាអ្នកប្រើប្រាស់ ទាំងអស់គ្នានឹងមើលឃើញ ពីភាពខុសគ្នា ចំពោះការអភិវឌ្ឍន៍មួយនេះ។

លក្ខណៈពិសេសដ៏សំខាន់នៃទូរស័ព្ទស្មាតហ្វូន LG G2 នេះគឺត្រូវបានបង្កើតឡើង ដោយផ្អែកលើការ ស្រាវជ្រាវ ដ៏ស៊ីជម្រៅ ទៅនឹងរបៀបការ នៃរស់នៅ និងឥរិយាបទរបស់ អ្នកប្រើប្រាស់ រួមបញ្ចូលទាំងការយល់ដឹង ពីចំនុច សំខាន់ និងមុខងារដ៏ខ្ពស់ គឺអេក្រង់ពណ៌ធម្មជាតិប្រភេទ IPS Full HD ដែលមានទំហំ5.2 អ៊ីង ជាមួយការរចនា គែមដ៏ស្តើង និងថ្មកាន់បានយូរនឹងមានទំហំរហូតទៅដល់ 3,000 mAh ។ ទូរស័ព្ទស្មាតហ្វូន LG G2 នេះនឹងក្លាយ ទៅជា ទូរស័ព្ទដៃស្មាតហ្វូន ដំបូងគេបំផុតក្នុងពិភពលោក ដែលប្រើប្រាស់ CPU ប្រភេទ Snapdragon 800 ពី ក្រុមហ៊ុន Qualcomm ដែលជាក្រុមហ៊ុន ផលិត CPU ឈានមុខគេក្នុងពិភពលោក។

LG G2 បានបំពាក់ជាមួយកាមេរ៉ាទំហំ 13MP (OIS) ដែលអាចធ្វើឲ LG G2 នេះអាចចាប់យករូបភាព បានច្បាស់ ទោះជានៅកន្លែងដែលគ្មានពន្លឺ គ្រប់គ្រាន់ក៏ដោយ ហើយជាមួយនឹងសមត្ថភាព ដែលអាចថតវីដេអូបានកំរិត Full HD (1080p) និងមានល្បឿន 60 រូបក្នុង 1វិនាទី (60fps) ហើយទាំងនេះគឺជាអ្វីដែលល្អជាង ទូរស័ព្ទស្មាតហ្វូន ដ៏ទៃ ទៀត ។ បន្ថែមជាងនេះទៅទៀត LG G2 ក៏ជាស្មាតហ្វូនដំបូងបំផុតដែល អាចចាក់ចំរៀងដែលមាន កម្រិតច្បាស់ ដល់ទៅ 24 bits/192kHz ដែលធ្វើឲសំឡេងប្រៀប ដូចជានៅក្នុងបន្ទប់ស្ទូឌីយោ។

ទូរស័ព្ទស្មាតហ្វូន LG G2 បាននាំមកនូវលក្ខណៈពិសេស ជាច្រើន ដែលជាបទពិសោធន៍ សំរាប់អ្នកប្រើប្រាស់ និងជាអ្វីដែលអ្នក ប្រើប្រាស់ ញឹកញាប់បំផុតដូច ជា Answer Me, Plug & Pop, QuickRemote និង Guest Mode:

- Answer Me: ឆ្លើយតបដោយស្វ័យប្រវត្តិ បន្ទាប់ពីយក ទូរស័ព្ទប៉ះនឹងត្រចៀក
- Plug & Pop: ណែនាំដោយស្វ័យប្រវត្តិនូវកម្ម វិធីដែលអ្នកចូលចិត្ត ប្រើប្រាស់បំផុតនៅពេល ដែលអ្នកប្រើប្រាស់ Headset ឬ ខ្សែរ USB
- QuickRemote: ធ្វើឲទូរស័ព្ទស្មាតហ្វូន LG G2 មានសមត្ថភាពអាចបញ្ជា ទូរទស្សន៍ ម៉ាស៊ីនត្រជាក់Home Thearter និង Stereo ជាដើម ហើយវាក៏អាចបញ្ជា បានគ្រប់ម៉ូដែលផងដែរ
- Guest Mode: វាមានការចាក់សោពីរជាន់ ហើយវាអាចការពារភាព ជាឯកជនរបស់ម្ចាស់ ទូរស័ព្ទដោយ វាបង្ហាញ កម្មវិធីមួយចំនួនប៉ុណ្ណោះ ដែលអ្នកបានជ្រើរើស ទុកជាមុននៅពេល ដែលមានអ្នកផ្សេងចុច ដោះសោទូរស័ព្ទ ជាន់ទីពីរ