វិធី​បន្ថែម​ Google Translate ចូល​ទៅ​ក្នុង​គេហទំព័រ​របស់​អ្នក​

កាល​ពី​ពេល​ថ្មីៗ ក្រុមហ៊ុន Google បាន​​បញ្ចូល​ភាសាខ្មែរ​ចូល​ទៅ​ក្នុង Google Translate វា​ជា​ការ​ប្រសើរ​បំផុត​ ដែលភាសាខ្មែរ​យើង​បាន​បញ្ចូល​ទៅ​ក្នុង Google Translate នេះ​។ ហើយ​នៅ​ក្នុង​គន្លឹះ​លេខ​នេះ​ KH4IT យើង​នឹង​លើក​យក​វិធី​បន្ថែម​ Google Translate Plug in ដាក់​ចូល​ទៅ​ក្នុង​គេហទំព័រ​របស់​លោក​អ្នក​។ ដូច​នេះ​ មិត្ត​អ្នក​អាន​ទាំង​អស់​អាច​អនុវត្ត​ជាមួយ​យើង​ដូច​ខាង​ក្រោម៖

១. ដំបូង​លោក​អ្នក​ត្រូវ​ចូល​ទៅ​ក្នុង​គេហទំព័រ https://translate.google.com/manager/website ដើម្បី​រៀបចំ​លក្ខខណ្ឌ​នៅ​ក្នុង​ការ​បន្ថែម Plug in នេះ​ចូល​ទៅ​ក្នុង​គេហទំព័រ​របស់​អ្នក​។ នៅ​ពេល​ដែល​អ្នក​បាន​ចូល​រួច​ លោក​អ្នក​នឹង​ឃើញ​ផ្ទាំង​មួយ​ចេញ​មក​ដូច​ខាង​ក្រោម។ សូម​ចុច​លើ Add to your website now ដើម្បី​ចាប់​ផ្ដើម​។

២. ប្រសិន​បើ​អ្នក​មិន​ទាន់​មាន​គណនី Google ទេ អ្នក​ត្រូវ​ Sign Up ជា​មុន​សិន ប៉ុន្តែ​ប្រសិន​បើ​អ្នក​មាន​គណនី Googleរួច​អ្នក​ត្រូវ​វាយ​ Email និង Password ចូល​រួច​ Sign In ។

៣. បន្ទាប់​មក​អ្នក​ឃើញ​ផ្ទាំង​មួយ​ចេញ​មក​។ ផ្ទាំង​នេះ​តម្រូវ​ឱ្យ​អ្នក​បញ្ចូល​អាសយដ្ឋាន​គេហទំព័រ​ដែល​អ្នក​ចង់​ឱ្យ​វា​បក​ប្រែ​ បន្ទាប់​មក​ជ្រើសរើស​យក​ភាសា​ របស់​គេហទំព័រ ហើយ​ចុច​ Next ដើម្បី​អនុវត្ត​ជំហាន​បន្ទាប់។

៤. នៅ​ក្នុង​ជំហាន Plugin Setting គឺ​ជា​ការ​កំណត់​ទម្រង់​ឱ្យ​ប្រអប់​បក​ប្រែ​ភាសា​និង​កំណត់​ភាសា​ដែល​ត្រូវ​បក​ប្រែ។ ដូច​នេះ​នៅ​ក្នុង​ Translate Languages អ្នក​​អាច​ចុច​ជ្រើសរើស​ All Languages ដើម្បី​អាច​ឱ្យ​ Google Translate បក​ប្រែ​គ្រប់​ភាសា​ ឬ​អាច​ចុច​លើ Specific language ដើម្បី​ឱ្យ​វា​បក​ប្រែ​តែ​ភាសា​ណា​ដែល​អ្នក​ចង់​បាន​ប៉ុណ្ណោះ។ ម្យ៉ាង​វិញ​ទៀត​នៅ​ក្នុង Display Mode លោក​អ្នក​អាច​ចុច​ជ្រើសរើស​ការ​បង្ហាញ​ប្រអប់​នៃ​បក​ប្រែ​ភាសា​ដែល​អ្នក​ចង់​បាន បន្ទាប់​មក​ចុច​លើ Get Code ដើម្បី​ទទួល​បាន​កូដ​នៃ Google Translate ។

៥. លោក​អ្នក​នឹង​ទទួល​បាន​កូដ​បក​ប្រែ​ភាសា​សម្រាប់​ដាក់​វា​លើ​គេហទំព័រ​របស់​អ្នក​។ នៅ​ក្នុង​នោះ​កូដ​ត្រូវ​បាន​ចែក​ជា​ពីរ​ផ្នែក​។ ផ្នែក​ខាង​លើ​គឺ​សម្រាប់​ឱ្យ​អ្នក​យក​វា​ទៅ Paste នៅ​ខាង​មុខ </head> និង​ផ្នែក​មួយ​ទៀត​សម្រាប់​ឱ្យ​អ្នក​យក​វា​ទៅ Pasteកន្លែង​ណា​ដែល​អ្នក​ចង់​បាន​នៅ​ក្នុង​គេហទំព័រ​។

៥. នេះ​គឺ​ជា​រូប​ឧទាហរណ៍​ ដែល​ខ្ញុំ​បាន​ Paste កូដ​ផ្នែក​ទី​មួយ​ចូល​ទៅ​ខាង​មុខ </head> ។​

៦. ហើយ​នៅ​ក្នុង​ផ្នែក​ទី​២ នេះ​លោក​អ្នក​អាច​ដាក់​វា​នៅ​កន្លែង​ណា​ដែល​អ្នក​ចង់​បង្ហាញ​វា​លើ គេហទំព័រ​របស់​អ្នក។ ក្នុង​ឧទាហរណ៍​នេះ​ខ្ញុំ​បាន​ដាក់​វា​នៅ​លើ Widget របស់​គេហទំព័រ​របស់​ខ្ញុំ។

៧. លោក​អ្នក​នឹង​ឃើញ​ ផ្ទាំង​តូច​មួយ​បង្ហាញ​នៅ​លើ​គេហទំព័រ បន្ទាប់​មក​អ្នក​ទស្សនា​គេហទំព័រ​របស់​អ្នក​ ពួក​គេ​នឹង​អាច​ជ្រើសរើស​ភាសា​ដែល​គេ​ចង់​បាន​ ហើយ​ Google នឹង​បក​ប្រែ​ភាសា​នេះ​ទៅ​តាម​ភាសា​ដែល​ពួក​គេ​ចង់​បាន​យ៉ាង​ងាយ​។​

៨. នៅ​ទី​បញ្ចប់​ មិត្ត​អ្នក​អាន​ទាំង​អស់​គ្នា នឹង​អាច​អនុវត្ត​គន្លឹះ​ វិធី​បន្ថែម Google Translate ចូល​ក្នុង​គេហទំព័រ​ បាន​យ៉ាង​ងាយ​ស្រួល​ និង​មាន​ប្រសិទ្ធភាព​៕